Schweizer Thread

@darkylein
Ja dänn uf nach Andermatt. Es issch en uu schöne Dialäkt, aber ebe chli schwierig z.verstah.

Und he, de Zürcher Dialäkt isch natürli de Allerschönst. :troll: :D

@Snowman_one
wenn me ke Ahnig vu Ästhetik und so het isches sicher de schönscht Dialekt :P

@darkylein

darkylein schrieb:wenn me ke Ahnig vu Ästhetik und so het isches sicher de schönscht Dialekt :P

:D
Ganz ehrlich ich finde natürli de Bündnerdialäkt am schönste.
Am wenigschte gfallt mer halt de St.Galler und Thurgauer Dia. Typisch halt.

De Berner höri au gern.

Snowman_one schrieb:Und he, de Zürcher Dialäkt isch natürli de Allerschönst. :troll:

@Snowman_one
Ich nimm aa, als Bebbi darf ich Dir do widerspräche.... :D

@sharena
Sorry aber was isch Bebbi? :ask:
Chumme nöd ganz drus. :)

@Snowman_one
E Bebbi isch e Basler oder e Baslerin ;)
Aber kei Angst, hesch kei Bildigslugge wenn das nyt weisch :)

Aber dr Bündner Dialäkt ghört wirklich zue de Schönste, do gibi Dir rächt. Ha mol mit ere Bündnere zämme gschafft. Und wemmer z'oobe d'Kassene abgrächnet hän, hett sie uff rätoromanisch zellt. Das isch wirklich en Erläbnis, wenn me bedänkt, dass die Sprooch am ussstärbe isch....

@sharena
Ahh danke. Baslerdütsch isch au schön. Ich lisses sehr gern. :)

Häsch gwüsst das es Öppe 4 verschiedeni Rätoromanisch Dialäkt giit?

@Snowman_one
Danke für's Komplimänt vo mim Dialäkt! :) My Baseldüütsch isch aber nyt ganz rein; do schwingt no e chli "dräckigs Baseldütsch" vo Baselland mit. ;)

Das hani gar nyt gwüsst. dass es im rätomromanische au Dialäkt giht! Wieder e Bildigslugge gschlosse... :) Isch eigentlich scho wahnsinnig, wenn Dir überlegsch, dass es nur e paar hundert Lüüt giht, wo's spräche und denn au no in verschiedene Dialäkt.

@sharena
Min Götti isch Basler. Wonn ich chli gsi bin, bin i nie druss cho, warum als Begrüessig immer 'Tshau' gseit hät. Und wänner gange isch 'Sali'.

Hät es paar Jahr duuret, aber dänn hannis Tschäggt. :D

@Snowman_one
Hmmm.... über das hani no nie noochedänggt. Ich benutz beides für Begriessig und Verabschiedig. S' chunnt au immer e bitz uff dr Tonfall aa. Denn cha me's für beides bruuche. ;)

A propos: Kennsch Edelmais und Co.?

Känne isch übertriebe, känne nur de Name. :)

@Snowman_one
Die mache amme Sketch über bestimmti schwyzer Bevölkerigsgruppe. Findi amme no ganz witzig. :D Weiss nyt, worum i jetzte do druff cho by.

@sharena
Aah da isch ja der Herr Rindlisbacher debii.

Danke für de Tip. :) :note:

@Snowman_one
Jo, genau dr René macht dörte au mit. :)
Mit em Sven Furrer hett er "Theaterstück" (die korräkti Bezeichnig chunnt mer grad nyt in Sinn) uffgfiehrt. "2 pro Müll" heisst's. Isch au no ganz witzig. :D

Aber nyt, dass Du Dy vo Allmy verabschiedisch wäge mim Tip. :D

das muessi jetzt eifach yynetue:

Züri West - Glücklech

Externer Inhalt
Durch das Abspielen werden Daten an Youtube übermittelt und ggf. Cookies gesetzt.

au wenn's e schöns Lied isch, macht's my immer chli truurig, willi mit däm arme Siech eifach Mitleid ha.

Dä schönsti Dialekt isch immer noh, dä Aargauer-Dialekt.
Dä tönt so, wie imene Oltener-Bahnhof-Restaurant. :D

Guets Mörgeli an alli Schwizer Allmyaner.

@Rexus
so früeh wach?

@darkylein
Was heisst do früeh? Ich han en Hund, de mues au mol use. Chan eh ned so lang ligge.

@Rexus
ouh jo ;-) i hät uh gern en Hund, aber jede Tag früeh ufstoh, puuh ne! Deshalb wenni älter bin und vilicht nurno 5 h Schlof bruche, oder ich eswo wohne wo de Hund selber ine und usechan