En schöne Tag

En Tag wo eus vill Freude bringt,
foht früeh scho a, wenn d`Amsle singt.
Tue de Momänt mit Luscht verbringe,
chasch no chli mit der Amsle singe.

Probier jetzt mit der Sonne z`lache
und freu di a de chlinschte Sache.
Wenn ou en dunkli Wolke chonnt,
denn wartisch halt en halbi Stond.

Scho blost e zarte warme Wind.
Di Wolk isch fort, das goht so gschwind.
So Tage gits, s`mag cho was will,
du bliibsch bi allem froh und still.
Und z`Obe luegsch denn d`Stärne a:
Händ mir en schöne Tag hüt gha.

WOW! wieder ein Gedichtle zum laut vorlesen ... :D