Wottsch du emou dis Färnweh stille,
denn tue doch d`Chleidergofere fülle.
Nid immer muesch deheime bliebe,
lass di e chly i d`Färni triebe.
Zum Biispiel uf ne schöne Fluss.
Das isch für di en riese Gnuss.

Muesch nümm vill säuber do studiere.
Lass die verwöhne und lo führe.
Gnüss doch die Fahrt, es fählt dir nüt.
Rundum hetts nume liebi Lüüt.

Doch die schön Zyt goht schnäu verby,
si hätt gärn chli dörfe länger sy.
Mir müend das schöni Schiff verloh
und wärde fröhlech heizue goh.

Es wird dir jetz grad wohl und wöhler.
Dänksch grad, es isch doch niene schöner.
Die Schiffsreis wirsch zwar nie vergässe,
chasch doch nid am schöne Heicho mässe.

Gang wieder emol, lueg d`Wäut nochli a.
Denn merksch, wie`ds deheime schön chasch ha.
S`Fortgoh isch schön, das darf so sy,
aber s`Heicho isch vill schöner gsy.