Räntnerläbe

Mir händ en arme Räntner meh,
im Wynetal, das müend ihr gseh.
Doch schlimmer als de armi Maa,
isch sicher sini Frou jetz dra.

Die hett jetz weder Rueh no Rascht
de Räntner stets als ihre Gascht.
Was wott är süsch, de armi Chnoche,
er stoht ihre no im Wäg bim Choche.

D`Frou muess de grad bim Wicku näh
und ihm gschwind ghörig Arbet gäh.
Muess ihm mit Ufträg überhüüfe,
dass er nümm cha i d`Chuchi schlüfe.

Si söu sech nid lo kontrolliere,
vill meh ihn e chli schigganiere.
E junge Räntner, muess si wüsse,
wett villicht emou en andri küsse.

Sie darf ihm nid zvill Freiheit gäh,
muess ihm ganz churz a Zügu näh
und ihm mit Liebi geh z`verstoh,
lueg Schatz, i bi doch ou no do.

Mir hoffe sehr, dass alls guet goht
und jedes s`andere rächt verstoht.
Mir wünsche beidne Freud und Glück,
der Frou und ihrem beschte Stück.

Einfach schön, wieder mal ein Gedicht in Schwitzerdütsch zu lesen :D Herrlich, ich lese es mir immer laut vor und genieße den Tonfall.

Danke für deine Gedichte

LG. lebalda