Sale Sale

I wett en neui Schale choufe,
i goh i d`Stadt go umeloufe.
I chome bald, wie das muess sy,
bim erschte Chleidergschäft verby.

Die händs jetz aber übertriebe,
s`isch alls mit "Sale" gross agschriebe.
Drum gohn i do ganz schnäll verby,
ha gloub en "Sale"-Allergie.

Ha wörklich denn nach chorzer Ronde,
de nöchschti Chleiderlade gfunde.
Doch mi Enttüschig die isch gross,
was isch mit dene Gschäfter los?

Die händs do schiints zum xten Male,
no grösse gschriebe "Sale", "Sale".
S`Misstroue hett en gete Grund,
zahlsch öppe do no grad mit Pfund?

I tue mi jetz`s`isch nümm zum Lache,
chli truurig uf e Heiwäg mache,
cha no im Beizli ussedra,
en Röschti und en Brotwurscht ha.

Der Wirti isch es sehr dra gläge,
do hättsch ou chönne Bröisi säge.
Die macht ou nie en suure Stei
und i goh zletscht ganz zfriede hei.

Das neue Chleid chasch grad vergässe,
göhnd gschiiter öppe guet go ässe.
Und söttisch wäge dem no dicke,
tuet d`Frou en Spicku ineflicke!

Hat wieder Spaß gemacht, das zu lesen ...

Danke :D