Es isch zum Höhne,
`s isch zum Spotte,
fast alls was Spass macht,
wird verbote!
Mir sind es Volk vo Gsetz und Stüre,
für chlynschti Ufwänd zahlsch Gebühre!
Jetzt wänd`s verbiete, zum Verdruss
`s Röike schynbar au veruss.

Yschränke sött mer`s Stürezahle,
das isch verbunde oft mit Quale.
Hesch d`Stürrächnig i der Hand
bestoht en Gfohr für Härzstillstand!

D`Flugzüg tüend au d`Luft verpeste,
nach Norde, Süde, Oste, Weste.
Doch das isch alles ganz normal,
nur s`Röicke wird bald illegal.

Reduziere sött mer de Verchehr,
de isch belastend worde sehr.
Im Alltagsstau wirsch
psychisch chrank,
schnufsch y de Fynstaub
und de Gstank.

Nun fällt mir dieses Sprüchlein ein:
"Alkohol und Nikotin
rafft die halbe Menschheit hin,
doch auch ohne Alkohol und Rauch,
stirbt die andere Hälfte auch!"