Obwohl hier bei Allmystery zu Beginn die Reaktion darauf nicht umwerfend war,
habe ich mich trotzdem entschlossen es nocheinmal zu erzählen. Denn erstaunlicherweise
habe ich von Übersee Lob dafür geerntet, so habe ich es mir dann nochmal überlegt
ob es nicht doch eine gute Geschichte ist.

---

Geschter isch eine bi mir z'mizt dure Gaarte marschieärt
und het vor minere Tüüre es faarbigs Fähneli uufgschtellt.

Z'erscht hani dänggt, ä rächte Tubel wo da eifach z'mizt duur miis Beet tramppet.
Aber dänn hani dänggt, chusch ja nüd ä so sii und bine gu fraage wurum er das faarbigä Fähneli uufgschtellt hett.

Er hett dänn züemmer g'sait das dette wo er ä sonigs Fähneli uufstelli dr Bode ä ihm ghööri.

Ich ha z'erscht dänggt er well mi narre und ha züenem g'sait, das ich vu settigem nu nieä ettis g'hört heig - nuur will jetz eine gad emaal es Fähneli anestellt das em jetz' wege dem ettis ghört.

Und überhaupt, hani gsait, g'hört dr Bode a'dr Muetter Eerde und Fähneli hä'miir au ganz en huufe. Lugg, i allne Faarbe und no viil meh weder as du.

Dänn isch'er veruggt woorde, hett umenandbället und hett dänn au nu gsait,
ich müess vor dem Fähneli anechnüünle! Ä so eine spinnt doch, oder?

Ich hanem dänn gsait, das ich sicher nüd vor ämene Fähneli anechnüünle
und das er sett verschwinde mit siim Fähneli
und das er sich sett en'andere ga sueche won'erem ä'settige truurige mischt verzelle chiäng.

Dr'na isch'r ganz vertubblet, hett dänn aber siis Fähneli gnuu
und hett dänn gsait das er z'rugg chiämi
und wänn ich dänn nüd wüür vor äsiim Fähneli wüür anechnüünle
dass'er miir dänn dr Hoof abbränne wüüri.

Ich ha ne nüd rächt ernscht gnu,
wahrschiinli isch'er ja numme b'soffe g'sii und hett nüd g'wüsst was er schnurret.
Was meinet ihr, meint der das ernscht?

---

Ich muss dazu noch erwähnen, dass ich dieses Geschichtlein eher in einer Art Schauspiel
lauthals am Abend des ersten August in Zürich nahe der Kreuzung Langstrasse - Militärstrasse erzählt habe.
Die meisten Passanten schauten mich natürlich etwas eigenartig an, als ob ich meinen Verstand verloren hätte oder sinnlos betrunken wäre.

Abgesehen von ein paar Indern, welche auf der anderen Strassenseite auf einer Bank sassen, mir während des Vortrags schon zuriefen: "...roman Empire!" und nachdem ich beendet hatte applaudierten.

01010045 aOriginal anzeigen (0,3 MB)